Tagxunta

A sanidade é un servizo esencial

Todo indica que o aumento do PIB, que xa supera as cifras de antes da crise, non repercutirá positivamente nas clases populares, e moi especialmente na clase traballadora. O desemprego, aínda que baixou nos últimos anos, mantense en porcentaxes superiores ás de 2009. Os salarios baixaron en termos reais. Aumentou a eventualidade e o emprego a tempo parcial. As pensións tamén perderon poder adquisitivo, e a fiscalidade reduciuse pra as grandes fortunas e as empresas, dando folgos á desigualdade. E, por se non abondase, un servizo tan esencial como é a sanidade, foi dando pasos atrás, tanto no copago de medicamentos, como na redución de medios nos hospitais e centros de atención primaria.

Continue reading

Lei de iniciativas empresariais

Nova escusa para transferir recursos ao capital

No pasado mes de outubro, o Parlamento Galego aprobou a Lei de Fomento da Implantación de Iniciativas Empresariais en Galiza, cos votos do Partido Popular. A esta polémica lei opuxéronse o resto dos partidos da Cámara. Foi tramitada de urxencia. A razón para axer de xeito tan pouco democrático era xustificada polos medios afíns ao Governo da dereita con este pretexto: a necesidade de nos dotar de medios para competir eficazmente co norte de Portugal. Acusábase o noso veciño de utilizar todo tipo de subvencións ilegais e salarios de dumping, para atraer novos investimentos empresariais en prexuízo de Galiza. Engadían os medios, que a urxencia da aprobación viña dada porque no primeiro trimestre do vindeiro ano, chegaría unha misión chinesa disposta a realizar importantes investimentos, inclinándose entre Galiza ou Portugal en función das “facilidades”.

Continue reading

Todas e todos a prol da lingua galega

O vindeiro 13 de decembro, cúmprense tres décadas da masiva manifestación a prol da lingua galega, realizada durante o governo tripartito na Xunta (PSOE, CG e PNG). Nesta convocatoria acadouse un grao de unidade política e social que non se volveu repetir posteriormente. Mobilizáronse en Compostela sobre 20 a 25 mil persoas, segundo os organizadores. Foran convocadas pola Mesa pola Normalización Lingüística (MNL) e sindicatos de traballadores/as e estudantís (CXTG, INTG, CCOO, CNT, CAF, Sindicato de Estudantes, etc). Contou tamén co apoio do PSG-EG, BNG, PCG e mesmo de persoeiros de Coalición Popular, do PSOE e do PNG. Adheriron rente de 50 corporacións municipais. A MNL convidara ao Governo galego a encabezar a manifestación. O semanario A Nosa Terra destacaba que só faltaban Coalición Galega (CG), e García Sabell, que era o delegado do Governo central (presidido por Felipe González, PSOE).

Continue reading

Gobernar carecendo de alternativas

A conselleira de medio rural, Ángeles Vázquez, contestaba o seguinte a un xornal que lle fixo unha entrevista, nesta última fin de semana: “necesito unha resposta aos incendios, e non a teño; non sei a quen combater”. En resumo, asume que as políticas que están a realizar, non valen ou cando menos non son suficientes. Algo que resulta evidente cando valora medidas que non teñen en consideración aspectos tan esenciais, como o tipo de especies co que reforestaron o noso monte: piñeiro e eucalipto. Máxime cando o cambio climático é tan manifesto. Sobre os inconvenientes destas especies hai ducias de informes de especialistas. E con secas prolongadas, son unha bomba de reloxería. Combater o drama, con máis brigadas, contratacións máis longas, e máis medios contra-incendios, sen dúbida é algo e urxente. Porén, ignora a importancia estratéxica dun plano de reforestación que substitúa esta vexetación por outra autóctona. Algo disto recoñece na entrevista. Mesmo admite que a administración debería implicarse máis no tema. Entón, por que non o fai?

Continue reading

Os incendios como síntoma

A gravidade dos incendios producidos a pasada fin de semana, pon de manifesto comportamentos delituosos, así como responsabilidades políticas. Asemade, verificouse que a solidariedade é un valor que non se perdeu na nosa sociedade. Os lumes abrangueron practicamente toda Galiza, con perdas humanas, danos en casas e edificacións, explotacións agrícolas, no espazo forestal e na paisaxe. Días antes xa ardera moito territorio, por exemplo na provincia de Ourense, alertando de que unha variación meteorolóxica adversa podía crear un desastre.

Continue reading

Lume, o escenario máis negativo

A Xunta quere canear as súas neglixencias en materia de loita contra o lume, botándolle toda a culpa do acontecido á trama incendiaria (a mesma que o PP negaba que existise durante o bipartito), facendo concentracións de cargos diante das institucións, polas vítimas, e pagando anuncios nos medios. Hai máis dunha razón para a traxedia vivida estes días polo noso País, parte de Asturias e Portugal. Ante todo están os incendiarios. Mais tamén, que o monte está descoidado pola desfeita do rural (pensemos só no prezo do leite e outros produtos, que non poden competir nun mercado aberto, industrializado e con condicións de traballo indignas, o abuso de substancias químicas, etc.). Como consecuencia: perda de poboación e avellentamento. Cómpre mudar o modelo de desenvolvemento, aquí e no resto do mundo. O sistema actual hipoteca o futuro da humanidade.

Continue reading

Oportuna cortiña de fume

No debate sobre o Estado da Autonomía, o Presidente centrou boa parte da súa intervención no conflito entre o Governo español e Catalunya, desviando a atención dos moitos e graves problemas que ten o noso país. Segundo a súa visión, Galiza sería a cara boa, tanto no aspecto democrático como no económico-social. E Catalunya, unha nación sometida a unha minoría que, nunha arroutada, provocou a ruptura social, e non respecta a democracia. Este foi o guión de Núñez Feijóo e o seu partido sobre o que debía ser o resume final do debate, co engadido dalgunhas políticas que transmitisen unha sensación de avance. Estas medidas concretaríanse na atención a máis 10.000 dependentes e a oferta de contratación de 14.000 funcionarios/as ate o ano 2020.

Continue reading