sociedade

A redención dos foros, unha conquista

Novembro 29th, 2016  |  Published in| the_category Historia, soberania, sociedade

OLYMPUS DIGITAL CAMERA

OLYMPUS DIGITAL CAMERA

No ano 1926, hai nove décadas, durante a ditadura de Primo de Rivera, aprobouse o Decreto-Lei pra redención forzosa dos foros, que eran unha pesada lousa sobre os labregos e labregas. Foi unha decisión meditada, e tiña como obxectivo frear a crecente axitación campesiña que atinxía moi especialmente o mundo rural galego. Contou co apoio das asociacións campesiñas máis importantes, comezando polo sindicalismo católico (CNCA), así como dunha fracción dos que querían a abolición. O sindicalismo abolicionista (CRAG) propuña que non se lle dese compensación económica aos posuidores dos foros e tiña unha forte tendencia rexionalista e de esquerdas.

Read the rest of this entry »

Reflexións arredor do debate das pensións

Novembro 12th, 2016  |  Published in| the_category neoliberalismo, sociedade, traballo

OLYMPUS DIGITAL CAMERARematar coas pensións públicas, ou cando menos deixalas reducidas a un carácter asistencial, é un dos obxectivos de sempre do capital, xa que estas significan un negocio seguro, máxime tendo en conta o avellentamento da povoación e a crise sistémica. Daquela que os medios de comunicación de masas aproveiten toda circunstancia que coiden propicia, para bater contra a oposición das clases populares ás medidas de privatización. Este é un deses momentos, tanto pola esixencia da UE de diminuír o déficit público, en 5.500 millóns de euros, como porque os ingresos no sistema de pensións son inferiores aos gastos (en 15 mil millóns de euros) e o Fundo de Reserva está a piques de se esgotar. Durante o seu mandato, Rajoy utilizou 41.600 millóns de euros deste Fundo, un 4% do PIB. E, mesmo sabendo da gravidade da situación, Fátima Báñez acaba de anunciar que está en estudo ampliar a tarifa plana dos autónomos; algo que afecta negativamente os ingresos da Seguridade Social. Hoxe, por exemplo, os novos autónomos pagan 50 euros mensuais durante os primeiros seis meses da súa actividade, que se poden prorrogar durante outros dous tramos de idéntico tempo con aumentos progresivos da cota, moi por debaixo da tarifa mínima de 267 euros. Para alén de que esta subvención sexa correcta ou non, o lóxico é que se pagase con cargo aos orzamentos do Estado, xa que se trata de gastos para a promoción do emprego. Outro tanto pódese dicir das subvencións á contratación, á conversión de contratos fixos en indefinidos, etc.

Read the rest of this entry »

As pensións a debate

Novembro 10th, 2016  |  Published in| the_category economía, sociedade, traballo

imaxe-phpO sistema de pensións mantén un déficit importante, duns 15 mil millóns euros/ano, e o Fundo de Reserva perdeu durante a lexislatura de Rajoy case tres veces esa cantidade (41.600 millóns). A patronal e o Goberno aproveitan a conxuntura para propoñer unha nova reforma. Segundo eles, esta deberíase tratar de urxencia no “Pacto de Toledo”, para lle dar unha escenificación de consenso. Axúdalles nesta estratexia a esixencia da Unión Europea dun novo axuste nas contas públicas de 5.500 millóns de euros, para cumprir co déficit pactado, e unha actitude desmobilizadora por parte dos sindicatos e dos partidos da chamada esquerda (sistémica).

Read the rest of this entry »

Traballar despois de xubilado/a

Outubro 27th, 2016  |  Published in| the_category neoliberalismo, sociedade, traballo

2011 01 14 vigo persoas maiores P1090450 (3)Semella que á ministra Fátima Báñez, ou asesores, ocorréuselle a idea de que os xubilados/as podan compatibilizar esta situación cun traballo remunerado, mantendo íntegro o ingreso da pensión, pensando que este será o único xeito que teñan de sobrevivir a medida que se vaian sumando recortes nesta prestación pública. Porque dende a última reforma, feita polo seu partido, as pensións foron perdendo poder adquisitivo, xa que os aumentos foron inferiores ao IPC. As causas son evidentes: precariedade laboral, salarios máis baixos, traballo en negro, e subvencións nas cotas da Seguridade Social aos empresarios. Por se non abondase, a taxa de desemprego esta rente do 20%, nun mercado laboral mundializado coa finalidade de frear calquera reivindicación laboral. Ademais, o traballo dos pensionistas agravaría a cuestión do paro.

Read the rest of this entry »

As pensións na corda frouxa

Outubro 25th, 2016  |  Published in| the_category neoliberalismo, sociedade, traballo

2008 08 26 melide 1450406Dise que a Unión Europea esíxelle ao Estado español que reduza o gasto público en 5.500 millóns de euros, pra cumprir os compromisos de déficit. Esta medida non axuda a consolidar o medre económico. Lembremos que este é conxuntural, xa que se sustenta no crecemento do turismo pola inestabilidade en países competidores, na queda do prezo do petróleo, na flexibilidade cuantitativa do BCE, e nunha mellor relación euro/dólar. Porén, o máis grave, é que este axuste non se resolva aumentando os ingresos (por exemplo, eliminando a última reforma do IRPF feita por Rajoy, onde as máis beneficiadas foron as rendas altas), senón reducindo servizos e prestacións sociais.

Read the rest of this entry »

Non hai cambio sen mobilización

Setembro 29th, 2016  |  Published in| the_category política, sociedade

2014 05 01 vigo cig mani P1141148Os resultados ao Parlamento galego son claros. O PP mantén a súa hexemonía electoral. En Marea substitúe o PSOE como segunda forza, o que agudiza as contradicións internas dos socialdemócratas. O BNG, contra todo prognóstico das enquisas e “politólogos” obtén grupo parlamentar e inicia unha etapa ascendente. Hai quen sinala como cambio máis importante, a reconfiguración da “esquerda”, mais coido que esta valoración é moi reducionista, é unha foto fixa, e na vida, todo está en constante transformación, aínda que as veces sexa moi cativa e outras tremendamente acelerada.

Read the rest of this entry »

Pensións, desfeita anunciada

Xullo 28th, 2016  |  Published in| the_category neoliberalismo, sociedade, traballo

OLYMPUS DIGITAL CAMERAO Goberno retirou do Fundo de Reserva das pensións outros mil millóns de euros para facer fronte ao pago do IRPF. En poucas palabras, o sistema de pensións público estase levando á quebra, dado que diminúen acotío os ingresos. Un retroceso causado pola tarifa plana da Seguridade Social para determinados contratos, e outro tipo de subvencións á patronal e aos/as autónomos. Ao que cómpre sumar a diminución dos salarios e a fraude na contratación, cotizando menos horas das que se realizan ou non facendo contrato. Dise que este axuste é un factor determinante para alentar o emprego, non é certo, en realidade este depende fundamentalmente do aumento do consumo, da anovación e achega tecnolóxica, e da capacidade para gañar mercados.

Read the rest of this entry »

Non hai cambio real sen mobilización

Xuño 28th, 2016  |  Published in| the_category globalizacion, neoliberalismo, sociedade

2011 01 27 folga xeral vigo P0000102Toda viraxe que se dea a prol das clases subalternas é positiva. Daquela que non sexa igual que governe no Estado español a dereita, ou que o faga unha forza progresista no social, e que avance nos dereitos democráticos. Por exemplo, recoñecendo o carácter plurinacional do Estado e o dereito a decidir, e que realice unha reforma que converta as autonomías e nacionalidades en circunscrición electoral e aplique a proporcionalidade na representación. Un governo que elimine as deputacións, derrogue a lei mordaza e as reformas laborais do PSOE e PP, que se afaste da OTAN, e abra o debate sobre a permanencia na eurozona e na Unión Europea, que son estruturas antidemocráticas ao servizo das corporacións.

Read the rest of this entry »

A brincadeira coas estatísticas

Maio 31st, 2016  |  Published in| the_category economía, neoliberalismo, sociedade

estadisticasResulta difícil crer algunhas informacións estatísticas que serven pra dar titulares favorábeis ao governo no referente á situación da economía e do emprego. Estes son dous temas sensíbeis, dado que afectan á enorme maioría das persoas, polo que alentan ou minguan expectativas que inciden nos resultados electorais. Daquela que, tan próximos ás xerais e ás galegas, cada poucos días aparecen titulares con novas cun panorama optimista prao futuro inmediato. Sería positivo que así fose, porén todo indica que o medre do PIB é conxuntural, que non atinxe ás clases populares e, especialmente, as condicións laborais non deixan de se degradar e a xeración de emprego é moi cativa, polo que levaría máis dunha década volver a parámetros semellantes aos de antes do axuste (a chamada crise).

Read the rest of this entry »

Unha conxuntura política determinante

Maio 24th, 2016  |  Published in| the_category comunicación, política, sociedade

CartazParemosPP.grandeA repetición das eleccións xerais reflicte a complexidade do momento. Sen dúbida o PSOE será chave pra formar governo. Mais está diante dun dilema que non sabe como resolver, se realizando unha alianza con Podemos e confluencias, recobrando os obxectivos orixinais, ou botándose nas mans da dereita, coa que coincide na defensa do sistema. As dúas vías teñen apoios importantes, e calquera que resulte triunfante alenta a fenda interna, e pode que a súa liquidación como forza relevante. Sería a consecuencia de décadas de deriva ideolóxica pra garantir fundamentalmente o acceso ao governo.

Read the rest of this entry »

A contribución galega á Arxentina

Maio 5th, 2016  |  Published in| the_category migracion, soberania, sociedade

2016 04 arxentina bos aires P1010887Acabo de voltar da Arxentina, nunha breve viaxe para visitar a miña familia, que emigrou canda min a aquel país, ao principio da década dos cincuenta do século pasado. No meu caso, retornei definitivamente en 1972, motivado polas folgas xerais de Ferrol e Vigo, para me incorporar á oposición á ditadura franquista. Daquela viviamos naquel país uns 600 mil galegos e galegas. Hoxe son menos de cincuenta mil.

Read the rest of this entry »

Podemos súmase ao tacticismo

Abril 23rd, 2016  |  Published in| the_category publico, sociedade

reunion-iglesias-y-garzonDicía hai varios meses que a opción dun acordo entre o PSOE e Podemos tiña iguais posibilidades que unhas novas eleccións. Mais tal como van as cousas, semella que este último será o escenario definitivo, e que en xuño se volva votar. Mais, a menos que mude moito o estado de ánimo da xente, e polo tanto a inclinación do voto, a media das enquisas non augura cambios significativos no Congreso. Se así fose, as eleccións non resolverían ren. A menos que a suma do PP e Ciudadanos permitan a constitución dun goberno continuísta. Neste caso, as novidades serían algunhas medidas contra a corrupción. O problema é: como se pode conseguir isto, para alén do que digan os acordos, mentres se alenta a preeminencia do privado sobre o público, e se ceden ou eliminan os controis sobre a economía? Tampouco se poden desbotar algunhas medidas contra a emerxencia social, que sirvan de escusa para continuar coa regresión laboral, a privatización da sanidade e ensino, e rebaixar as pensións a un carácter asistencial, e reducir as competencias reais das autonomías e nacionalidades.

Read the rest of this entry »

Cavernícolas na Academia Española

Abril 11th, 2016  |  Published in| the_category Internacional, sociedade

acadAs declaracións de Félix de Azúa, membro da Real Academia Española, non son admisíbeis, polo seu clasismo e machismo, en ningunha persoa que teña relevancia na sociedade, máxime se ocupa un cargo nunha institución. As súas valoracións, ademais de carentes dunha argumentación sobre a xestión de Ada Colau, arrecenden desprezo para os oficios manuais, en especial aqueles onde a muller ten unha maior representación.

Read the rest of this entry »

Refuxiados, vítimas por partida dobre

Abril 1st, 2016  |  Published in| the_category Internacional, militarismo, sociedade

refuxiadosDetrás do tema dos refuxiados está sobre todo o drama da guerra, do medo, ou da procura de solucións solidarias que permitan saír axiña dunha traxedia que semella non ter final. Alenta este estado de ánimo o alongamento do conflito e a importancia dos actores externos presentes, as masacres dos grupos terroristas, a falta de servizos básicos e a precariedade nos campamentos dos países fronteirizos, as dificultades en Siria, mesmo nas zonas que non están en guerra. Tamén ten o seu peso a oferta por parte de Alemaña e outros estados de saídas humanitarias, e a actitude simplista de partidos, institucións e ONGs que están a pensar nos réditos inmediatos pola “xenerosidade” amosada, máis que nas xustiza dos criterios ou nas consecuencias destas medidas para o futuro de Siria. Non hai dúbida ¡son vítimas!

Read the rest of this entry »

Procurar o lucro coa escusa demográfica

Marzo 22nd, 2016  |  Published in| the_category neoliberalismo, sociedade, traballo

2012 10 12 compostela cidade cultura P1010114Segundo o Plan Estratéxico da Xunta de Galiza (PEG) pra os anos 2015-2020, o noso país está á beira do precipicio en materia demográfica. Algo que é máis que evidente hai moito tempo. Os que realizaron o estudo aplicaron as receitas universais, como se Galiza fose Alemaña, e concluíron que cómpre atraer/importar uns 20.000 inmigrantes ao ano. Non se preguntaron se existen condicións pra os incorporar ao mercado laboral, nen as incidencias sociais e culturais, obviando a nosa alta taxa de desemprego, malia a emigración da mocidade e a baixa natalidade.

Read the rest of this entry »