militarismo

Verdade e mentira en Siria

Setembro 28th, 2016  |  Published in| the_category Internacional, militarismo

saudi-lampNunha entrevista ao xornal alemán Kölner Stadt-Anzeiger, un comandante da Fronte Al Nusra afirmou que reciben asesoramento militar e recursos económicos de Turquía, Arabia Saudita, Catar e Kuwait. E que Estados Unidos subminístralles sistemas de mísiles anti-tanques guiados TOW que son esenciais para equilibrar a correlación de forzas co exército sirio. Lembremos que a Fronte Al Nusra, opera agora baixo o nome de Jabhat Fatá al Sham. Aínda que rachou publicamente a relación con Al Qaeda, todos os analistas consideran que é unha formalidade para seguir recibindo apoio das potencias occidentais, para canear así a acusación de que apoian grupos terroristas, mais que non implica mudanzas de ningún tipo.

Read the rest of this entry »

Siria, suma de intereses contra a paz

Setembro 27th, 2016  |  Published in| the_category Internacional, militarismo

mapa_siriaEn Siria, as grandes potencias están confrontando a súa capacidade militar e económica, e poñendo en evidencia a contradición entre a propaganda e a realidade. O máis destacábel neste intre, ademais do fracasado acordo de paz entre os Estados Unidos e Rusia, é o crecente protagonismo de Erdogan ao invadir a zona norte do país, seica pra combater o Estado Islámico (EI), mais co obxectivo de esmagar os curdos. O obxectivo semella ser a creación dun protectorado e a división de Siria. Unha actitude claramente expansionista, que conta coa colaboración aérea e técnica dos Estados Unidos, que deste xeito, e sen aviso previo, mudou alianzas, enfraquecendo a loita contra o terrorismo.

Read the rest of this entry »

Acordos de paz como parte da guerra

Setembro 22nd, 2016  |  Published in| the_category Internacional, militarismo, soberania

1052136386O acordo entre Rusia e os Estados Unidos para avanzar cara á paz en Siria semella que rematou. A base do pacto era que Washington diferenciase entre Al Nusra e a oposición armada “non terrorista”. Pola banda de Damasco, a súa aviación de guerra non podía sobrevoar as zonas baixo control da oposición “moderada” (o control quedaría en mans de Rusia e USA). Garantindo tamén unha estrada desmilitarizada para facer chegar alimentos á poboación civil cercada en Alepo (que a oposición utiliza como escudo).

Read the rest of this entry »

Alepo e o fin da guerra en Siria

Agosto 9th, 2016  |  Published in| the_category globalizacion, Internacional, militarismo

mapa_siriaO exército sirio acaba de cortar o acceso á zona leste de Alepo, cercando así unha zona na que viven unhas 200.000 persoas, e que está ocupada pola Fronte Al Nusra e aliados dende o ano 2012. Antes da guerra, Alepo era a segunda do país en povoación (máis de 2 millóns de habitantes), e a de maior dinamismo industrial e comercial. Ten unha importancia xeoestratéxica, tanto pola súa proximidade á fronteira turca, como aos territorios habitados polos curdos sirios (nos que xa hai uns 2.000 soldados da OTAN “asesorando” as milicias do YPG que combaten contra o Daesh e reivindican un estado nunha siria federal).

Read the rest of this entry »

Golpe e xiro autoritario en Turquía

Xullo 21st, 2016  |  Published in| the_category globalizacion, Internacional, militarismo

turquia_sn635Todo fai pensar que o Goberno turco esperaba o golpe militar, e que non o evitou porque lle favorecía que se executase, e poder así tomar medidas que impuxesen a Erdogan e o AKP como poder absoluto. A detención masiva de militares ten unha lóxica. Mais a destitución de máis de 2.500 xuíces indica obxectivos autoritarios. Acusalos todos de seren parte da conspiración carece de sentido, aínda que houbese algúns que participasen. Medidas deste tipo só se poden realizar nun escenario con 295 mortos e 1.440 feridos, onde os medios destacan o heroísmo do pobo na defensa da “democracia”, deixando nun segundo plano a reposta decisiva da maioría do exército para derrocar o golpe.

Read the rest of this entry »

A UE non é reformábel

Xullo 7th, 2016  |  Published in| the_category europa, militarismo, neoliberalismo

erdogan merkel 1200x-1Reabríronse as negociacións entre Bruxelas e Ancara para a incorporación de Turquía á Unión Europea. Dise que era parte do pacto que asinaran hai uns meses como compensación pola peneira dos refuxiados/as. Mais todo parece indicar que se acelerou como resposta á saída do Reino Unido da UE, para deixar claro diante dunha poboación cansa de axustes, que segue firme a alternativa da Unión. Lembremos que o acordo en materia de visados foi freado en maio, xa que estaba condicionado á derrogación dunha lei antiterrorista que restrinxe dereitos básicos, mesmo de liberdade de información. Varios xornalistas foron detidos por denunciar a colaboración de Ancara coa Fronte Al Nusra e pola importación de petróleo das zonas controladas polo Daesh.

Read the rest of this entry »

A ONU dobrégase ante os cartos

Xuño 16th, 2016  |  Published in| the_category Internacional, militarismo

imagesO secretario xeral das Nacións Unidas, Ban Ki-moon, viuse obrigado a explicar a polémica decisión de retirar da lista negra de países e grupos que danan a infancia nas guerras a coalición que lidera Arabia Saudita, e coa que intervén no Iemen. A xustificación desta institución internacional é que varios países ameazaron con deixar de pagar as cotas, cortar as achegas de axuda a Palestina, e mesmo ditar unha fatua para declarar a ONU como anti-islámica (por Arabia Saudita). Segundo o informe da ONU, o reino saudita e os seus aliados son os responsábeis do 60% dos 785 menores mortos e dos 1.168 feridos no Iemen no pasado ano.

Read the rest of this entry »

A estratexia do terror

Abril 14th, 2016  |  Published in| the_category globalizacion, Internacional, militarismo

ataque israel sobre gazaO goberno sirio está recuperando rapidamente territorio ocupado polo Daesh (EI) e por Al Nusra. Os primeiros perderon dúas cidades estratéxicas, como son Palmira e Al Quaryatayn, que abren as portas a rematar co cerco de Deir-Ez-Zor e liberar Raqqa, que fai de capital do Daesh, ambas as dúas sobre o río Éufrates. Estes dous grupos armados están excluídos das conversas de paz entre o goberno e a oposición, por utilizaren o terrorismo, aínda que contan co apoio baixo corda de Arabia Saudita, Catar e Turquía. Esta última benefíciase pola revenda de petróleo e a exportación ao Califato de produtos elaborados.

Read the rest of this entry »

Refuxiados, vítimas por partida dobre

Abril 1st, 2016  |  Published in| the_category Internacional, militarismo, sociedade

refuxiadosDetrás do tema dos refuxiados está sobre todo o drama da guerra, do medo, ou da procura de solucións solidarias que permitan saír axiña dunha traxedia que semella non ter final. Alenta este estado de ánimo o alongamento do conflito e a importancia dos actores externos presentes, as masacres dos grupos terroristas, a falta de servizos básicos e a precariedade nos campamentos dos países fronteirizos, as dificultades en Siria, mesmo nas zonas que non están en guerra. Tamén ten o seu peso a oferta por parte de Alemaña e outros estados de saídas humanitarias, e a actitude simplista de partidos, institucións e ONGs que están a pensar nos réditos inmediatos pola “xenerosidade” amosada, máis que nas xustiza dos criterios ou nas consecuencias destas medidas para o futuro de Siria. Non hai dúbida ¡son vítimas!

Read the rest of this entry »

Terrorismo, a outra cara da globalización

Marzo 29th, 2016  |  Published in| the_category globalizacion, militarismo, neoliberalismo

estado islamicoA utilización do terrorismo con fins políticos non é algo exclusivo desta época, mais nunca tivo tanta intensidade e efectos tan dramáticos como na actualidade. Asemade, todo indica que esta tendencia vai a máis, que se trata dunha característica consubstancial coa globalización neoliberal, reflectindo máis unha vez que acertada é a análise que fai Samir Amin do capitalismo, cando di que está na súa fase senil. A destrución das identidades colectivas, a lei da selva económica, a perda de poder dos estados, das empresas locais e de dereitos laborais, o control da vida das persoas a través das redes e a telefonía, etc, todo faise en beneficio das corporacións e grandes potencias. O medre da exclusión foi forxando no imaxinario colectivo un mundo sen saídas, polo que algúns sectores procuran unha ruptura sumándose a aqueles que propoñen solucións inmediatas, mesiánicas.

Read the rest of this entry »

Migración forzada

Marzo 24th, 2016  |  Published in| the_category migracion, militarismo, neoliberalismo

syrian_refugeesÉ positivo que os sindicatos, organizacións sociais e partidos, realizaran mobilizacións pedindo un trato humanitario para os refuxiados por parte da Unión Europea. Mais, sería un erro circunscribir a cuestión ao aspecto asistencial, poñendo o foco en exclusiva naqueles que están ás portas da Unión Europea, ignorando os problemas de fondo: a guerra, a intervención imperialista. Só en Siria hai millóns de persoas desprazadas, en campamentos ou casas de coñecidos, que pasan todo tipo de penurias cotiás. Pedir solucións só para os que teñen medios para saír de Siria ou de países veciños, e pagar ás mafias turcas, reduce a cuestión humanitaria ás clases medias, é unha peneira clasista que esquece a maioría social.

Read the rest of this entry »

A transcendencia do conflito en Siria

Marzo 1st, 2016  |  Published in| the_category Internacional, militarismo, neoliberalismo

1052136386Rusia e os Estados Unidos acaban de pactar un acordo de paz en Siria do que están excluídos a Fronte Al Nusra e o Estado Islámico. Sendo un paso adiante pra unha solución política ao conflito, terá moitos atrancos pra acadar os obxectivos que pretende. Ante todo, porque Turquía, Arabia Saudita e Catar, así como Israel, apostaron moi forte a prol da queda de Assad pra favorecer os seus intereses estratéxicos, sacándose do medio unha potencia militar rexional molesta. Por outra banda, Al Nusra e o EI, malia que foron apoiados por estes países nos últimos anos, paliando a pouca eficacia de opcións como os Irmáns Musulmáns, son forzas terroristas con axenda propia. Ademais, os governos de Turquía e Arabia Saudita necesitan deste conflito pra desviar as contradicións internas, que van en aumento pola situación económica e o medre das liortas nos grupos dominantes.

Read the rest of this entry »

O futuro xógase (agora) en Siria

Febreiro 11th, 2016  |  Published in| the_category Internacional, militarismo

mapa_siriaEstados Unidos e Arabia Saudita están a discutir unha posíbel intervención directa en Siria, da alianza sunnita que esta monarquía absolutista creou hai pouco e lidera. Se así fose, o envío dos cazas bombardeiros máis modernos de Rusia, os SU-35, a este país non sería só unha advertencia a Turquía, senón que ademais implicaría unha mensaxe a Washington e aos seus aliados: que non vai aceptar que se ignore a soberanía de Damasco. Tamén se comprende a declaración do ministro de relacións exteriores de Siria advertindo que os invasores “volverán a casa en cadaleitos”.

Read the rest of this entry »

Solidariedade ou man de obra barata?

Febreiro 9th, 2016  |  Published in| the_category europa, migracion, militarismo, neoliberalismo

tren-refugiados-ccA prensa destacou estes días as conversas en Xenebra entre o Governo sirio e a oposición armada, así como á desaparición de 10.000 nenos e nenas durante o traslado dos refuxiados, dende as áreas próximas á zona de guerra ate os países da Unión Europea. As dúas novas teñen como conexión a guerra civil, mais sobre todo, que a intervención exterior está movida por razóns económicas e xeo-estratéxicas, que a solidariedade ten un papel secundario. Unha demostración é que se adiasen as negociacións ao 25 deste mes, polos avances do exército sirio en Alepo, cortando a conexión da oposición coa fronteira turca, indica con toda claridade os nexos entre os grupos armados, considerados moderados polas potencias occidentais, e organizacións terroristas como o Estado Islámico, a Fronte Al Nusra, o Exército da Conquista, etc. Todo fai pensar que Arabia Saudita, Catar e Turquía non teñen interese nunha solución pacifica, se non lles garante a súa influencia no futuro mapa político de Siria, xa que os intereses xeo-estratéxicos son prioritarios, tal como se pode comprobar pola súa intervención en Iemen.

Read the rest of this entry »

A estratexia da tensión

Xaneiro 14th, 2016  |  Published in| the_category Internacional, militarismo

policia_religiosa_de_arabia_saudiNon é doado de crer que Arabia Saudita tomase a decisión de executar o xeque Nimr Baquir Al-Nimr, clérigo moi destacado da minoría relixiosa xiíta dese país, sen o consentimento, aínda que fose forzado, de Washington (calcúlase que en Arabia é xiíta un 13% da poboación, radicada especialmente no Golfo Pérsico e na fronteira co Iemen). Só así se entende que nesta lea arroupen a Riad estados como Xordania, Catar e os Emiratos Árabes, tan dependentes dos Estados Unidos. Trátase dunha provocación directa a Teherán, que sen dúbida enche de satisfacción o Goberno de Israel, xa que leva anos torpedeando o acordo sobre a utilización do nuclear con fins pacíficos, e buscando cobertura internacional para atacar o estado iraniano.

Read the rest of this entry »