Historia

Nebra, historia dunha infamia

Outubro 7th, 2016  |  Published in| the_category Historia, traballo

2011-10-12-porto-do-son-praca-mortos-en-nebra-p1340659-4Este foi o título escollido por Xerardo Díaz Fernández para o seu libro sobre os tráxicos acontecementos ocorridos na parroquia de Nebra, no concello de Porto do Son, o 12 de outubro de 1916. Cinco persoas mortas, das cales tres faleceron posteriormente por mor das feridas. Catro das vítimas son mulleres, o que as coloca na primeira liña da confrontación. Os nomes dos mortos/as son os seguintes: Rosa Cadórniga Maneiro, Francisca Carou, Antonio Sobrado Luaces, Ramona Súarez Pouso, e Xenerosa Vidal. Gañaron o dereito a ser lembradas, forman parte dese exército, inmenso na Galiza, de loitadores/as anónimos a prol da xustiza, a dignidade e a liberdade.

Read the rest of this entry »

Mao Zedong e a revolución na periferia

Setembro 16th, 2016  |  Published in| the_category Historia, Internacional, soberania

china mao zedong mao tse tung 003Hai catro décadas, o 9 de setembro de 1976, morría Mao Zedong o líder da Revolución Chinesa. Naceu o 26 de decembro de 1893 na provincia de Hunan. A el débeselle o éxito da “Longa Marcha”, do cerco do campo ás cidades. En fin, foi a persoa que dirixiu a loita que permitiu que o país máis poboado do mundo rematase cun século de dependencia exterior, cando o 1 de outubro de 1949 se proclamou en Pequín a República Popular China e Mao foi nomeado presidente. Dirase con razón, que a China actual non é precisamente un país socialista e que esa é unha materia pendente. Agora ben, tampouco xa non é a nación atrasada, ocupada por potencias estranxeiras como daquela, onde morrían millóns de persoas de fame cada ano e unha gran maioría vivía na máis absoluta miseria. Os propios avances capitalistas das últimas décadas, que fixeron de China a segunda potencia económica do mundo, serían impensábeis sen a base material, en infraestruturas, coñecemento, e industria básica, que se construíu durante a etapa maoísta, aínda que houbese erros.

Read the rest of this entry »

Leningrado, o custe do heroísmo

Setembro 8th, 2016  |  Published in| the_category europa, Historia, Internacional

leningrado-guerraO vindeiro oito de setembro, hai agora setenta e cinco anos, as forzas armadas alemás mandadas polo mariscal Ritter von Lebb cercaron a cidade de Leningrado (actualmente só conserva ese nome o distrito próximo a San Petersburgo). Na que fora capital rusa cos zares ficaban asediadas tres millóns de persoas. Mais sería un oso duro de roer para o exército máis poderoso da época, aínda que previamente invadise nun tempo mínimo Bélxica, Holanda e mesmo derrotase unha potencia como era Francia.

Read the rest of this entry »

Lembranza da Galiza Mártir

Agosto 23rd, 2016  |  Published in| the_category Historia, nacionalismo, soberania

2012 08 17 boveda poio P1121009No ano 1942, a Irmandade Galega de Bos Aires, presidida daquela por Antón Alonso Ríos, a proposta de Castelao, tomou a decisión de converter a data do asasinato de Alexandre Bóveda no Día da Galiza Mártir. Lembremos que Bóveda naceu no ano 1903 en Ourense. Foi funcionario público da Delegación de Facenda de Pontevedra. Asistiu á tertulia de Castelao e Losada Diéguez. Nesta cidade amosou a súa capacidade emprendedora, xa que será fundador do Orfeón e da Caixa de Aforros, da que foi director.

Read the rest of this entry »

Moncho Reboiras, atrevemento e coherencia

Agosto 11th, 2016  |  Published in| the_category Historia, nacionalismo, soberania

1980 08 12 cartaz upg aniversario asasinato mobncho reboirasa3Eran anos de ditadura, xa non tan agresiva e desapiadada como na Guerra Civil e nas décadas posteriores. Mais o franquismo aínda amosaba as unllas cando facía falla, cando consideraba que era necesaria a represión, mesmo a tortura e o crime para frear o descontente social e político, por forza clandestino. Neste contexto, agromou na década dos sesenta e setenta do século pasado máis unha vez o nacionalismo galego. Desta volta tería un carácter máis virado á esquerda, á democracia popular. Uniuse a loita pola soberanía coas reivindicacións da clase traballadora, do campesiñado secularmente esmagado, dos sectores avanzados da cultura. Respondíase así a un mundo en transformación, no que se abrían paso a loita antimperialista e a xustiza social.

Read the rest of this entry »

A Revolución Arxentina

Xuño 14th, 2016  |  Published in| the_category américa latina, Historia, política, soberania

arxentina onganiaHai medio século, o 28 de xuño de 1966, a Arxentina sufría de novo un golpe militar que destituía o presidente Illia, do Partido Radical. Este accedeu ao governo nunhas eleccións polémicas, nas que houbo un 21,3% de votos en branco, xa que foi excluído o “peronismo”. Souben daquel levantamento das forzas armadas estando na Universidade Tecnolóxica, na que realizaba o curso de ingreso pra Facultade de Enxeñería de Bos Aires.

Read the rest of this entry »

Irmandades da Fala, Viqueira: nacionalismo e socialismo

Xuño 4th, 2016  |  Published in| the_category Historia, nacionalismo, soberania

xohan vicente viqueira275aNa cea que todos os anos celebraba a Irmandade Galega de Bos Aires no Centro Ourensán o 24 de xullo, co gallo do Día da Patria Galega, no ano 1969, Bieito Cupeiro presentou o libro “Xohán Vicente Viqueira: Vida, persoalidade, pensamento”, pondo de releve o orador a notábel personalidade intelectual e patriótica deste galeguista. No número 136 d’A Nosa Terra, voceiro daquela das Irmandades da Fala, do 15 de marzo de 1921, afirmábase: Johán Viqueira, Risco, Cabanillas e Castelao son as colunas do movimento nazionalista galego. Son os homes representativos da cultura enxebre, que ten outro filosofo ó seu servicio: Losada Diéguez, i-un xurista: Banet Fontenla”. (Porteiro Garea morrera no ano 1918 con 28 anos). Posteriormente á morte de Viqueira con 37 anos, no ano 1924, o seu nome estará presente en repetidas ocasións como unha referencia do nacionalismo, tal como se reflicte en A Nosa Terra ou no Guieiro.

Read the rest of this entry »

Xosé Velo, moito máis que o asalto ao Santa María

Maio 3rd, 2016  |  Published in| the_category Historia, nacionalismo, política

D.R.I.L. Primeiro aniversario 1962 do Santa MariaOs actos que se están a realizar co gallo do centenario do nacemento de Xosé Velo teñen moito mérito e son necesarios. Velo é unha figura do galeguismo que merece ser lembrada, xa que lle deu valor á historia recente de Galiza, tanto pola súa práctica política como polas reflexións que realizou na súa obra escrita. Mais foi sen dúbida o asalto ao paquebote portugués Santa María, en xaneiro de 1961, o que lle deu notoriedade internacional.

Read the rest of this entry »

Portugal 1974-75, as forzas armadas co povo

Abril 29th, 2016  |  Published in| the_category Historia, Internacional

1974 04 25 lisboa abril revolucionO 25 de abril de 1974, un destacamento de militares portugueses da Escola Prática de Cavalaria de Santarém, con 25 tanques, baixo o mando do capitán Salgueiro Maia, ocuparon o Torreiro do Pazo, no centro de Lisboa. Deseguido fixeron o propio cos ministerios, o Banco de Portugal e Rádio Marconi. Previamente, Rádio Renascença emitiu para todo o país a primeira estrofa de “Grândola, Vila Morena”, de Zeca Afonso; esa foi a sinal para que encetaría a Revolución. A insurrección militar estivo coordinada polo maior Otelo Saraiva de Carvalho.

Read the rest of this entry »

A revolución de 1846 fracasou en Ourense

Abril 19th, 2016  |  Published in| the_category Historia, soberania

Antoln-Faraldo_thumbHai 170 anos do levantamento en Lugo de sectores progresistas do exército contrarios a Narváez, quen presidía o Governo. Terían como aliados os “provincialistas”, que reivindicaban a unidade da provincia (Galiza) e un trato xusto. Estes últimos déronlle un perfil galeguista á insurrección, cando non foi apoiada no resto do Reino. Ao levantamento militar uniuse Compostela, a provincia de Lugo e Pontevedra. Formáronse xuntas revolucionarias e incorporáronse carabineiros e gardas civís, así como máis dun milleiro de voluntarios civís, entre eles universitarios. Despois da formación da Xunta Suprema de Galiza o día 15 de abril en Compostela, creáronse dúas divisións, duns 2.500 homes cada unha. A comandada por Solís tiña a finalidade de liberar A Coruña e Ferrol, e a que dirixía Leoncio Rubín de Celis, Ourense.

Read the rest of this entry »

Para que nos teman e nos respecten. A revolución galega de abril de 1846

Abril 9th, 2016  |  Published in| the_category Historia, nacionalismo, soberania

1846 Batalla de Cacheiras2Van cento setenta anos do levantamento militar que fixo que os ollos de todo o Estado español miraran cara a Galiza. Unha insurrección que tivo dous eixos reivindicativos: cuestionar o goberno do conservador Narváez do Partido Moderado (sería substituído por Istúriz en plena insurrección), e recobrar a unidade territorial de Galiza, perdida por mor da Constitución de 1833. O levantamento de 1846 na Galiza “en principio foi un pronunciamento propio do progresismo español, no que tamén participaron destacados progresistas galegos, pero logo do fracaso fóra de Galiza ‘provincialízase’ a través da Xunta Superior do Goberno de Galiza, instalada en Santiago, que preside Rodríguez Terrazo e da que é secretario Antolín Faraldo” (Historia de Galiza, Ramon Villares, Alhambra).

Read the rest of this entry »

Levantamento de Pascua en Irlanda: Derrota militar e triunfo político

Marzo 17th, 2016  |  Published in| the_category europa, Historia, soberania

1916 organizacion mulleres seinn fein CumannNaMbanVai agora un século, o 24 de abril de 1916, pouco antes da creación na Coruña das Irmandades da Fala, producíase en Irlanda o Levantamento de Pascua, que deu un pulo decisivo a oito séculos de loita pola independencia neste país. A dura e longa colonización inglesa, a defensa da identidade, a fame que se cebou na poboación máis pobre entre 1846 e 1851 (calcúlase en máis de 2 millóns o número de mortos) e como consecuencia disto, a enxurrada emigratoria. A fame na Galiza chegou en 1853, a xente morría nos camiños, nas portas das casas. Tamén a emigración sería masiva, sumando máis aspectos en común ás semellanzas culturais e ás relacións históricas entre ambos os pobos. Había polo tanto razóns abondo para que os galeguistas ollasen para Irlanda, e que visen nos patriotas de Éire un exemplo. Por este motivo, o celtismo na Galiza sempre tivo moito máis de andaina que de procura racial, máis de busca para atopar o pasado e poder iniciar o camiño da liberación, que de afirmación de calquera superioridade.

Read the rest of this entry »

Día da Clase Obreira Galega: vontade e atrevemento

Marzo 10th, 2016  |  Published in| the_category Historia, mov.obreiro, traballo

image descriptionO dez de marzo de 1972, hai 44 anos, os traballadores de Bazán atopáronse coas portas da factoría pechadas, polo que decidiron se manifestar polas rúas da cidade. A altura das “casas baratas” a policía armada disparou contra os manifestantes, que só puideron responder guindando pedras. A represión causou 2 mortos e ducias de feridos, e nos días seguintes alargouse con despedimentos masivos, 160 no estaleiro e outros moitos nas empresas da comarca que se puxeron en folga por solidariedade. O conflito xurdiu polo descontente co pactado no convenio colectivo interprovincial da empresa. Diante desta situación os traballadores da Bazán de Ferrol esixían un convenio de ámbito provincial, onde estivesen representadas as súas demandas salariais e de condicións de traballo.

Read the rest of this entry »

Non hai cambio sen atrevemento

Marzo 8th, 2016  |  Published in| the_category Historia, mov.obreiro, nacionalismo

1985 03 -eixo 06-px 24, contratapa, 10 de marzossqEste dez de marzo conmemórase o 44 aniversario do Día da Clase Obreira Galega. Unha data na que a ditadura franquista matou no Ferrol dous operarios da Bazán e feriu varias ducias máis. Nos días seguintes, 160 persoas foron despedidas e o estaleiro militarizado. Porén este intre tráxico tamén reflectiu o espírito combativo e o nivel de conciencia de clase do momento, xa que pararon en solidariedade moitas empresas na comarca, en Vigo, na Coruña, así como o estudantado na Universidade de Compostela.

Read the rest of this entry »

As Irmandades, un pulo cualitativo da conciencia nacional

Febreiro 17th, 2016  |  Published in| the_category cultura/lingua, Historia, nacionalismo, soberania

1917 05 20 -ant-19- p01- irmandades da fala2Durante os meus anos de militancia na Irmandade Galega de Bos Aires (1967-1972), da que fun secretario, tirei a conclusión de que, cando Castelao propuxo disolver a agrupación do Partido Galeguista naquela cidade e constituír unha organización que reunise todo o galeguismo, estaba a recrear as Irmandades da Fala. Contribuíu a isto que na capital Arxentina existise unha corrente de esquerda e independentista moi activa, que en gran medida proviña da Sociedade Nazonalista Pondal. Tamén comunistas e anarquistas que militaban no sindicalismo arxentino e se sentían galegos de nación, e cos que había que contar para disputarlle ao PSOE e ao PCE a hexemonía na colectividade. Esta Irmandade tería axiña réplica noutras cidades de América Latina. Sen dúbida foi unha decisión acertada, que lle deu arroupe político ao Consello da Galiza como goberno galego no exilio, e fortaleceu e achegoulle ideoloxía á colectividade.

Read the rest of this entry »