américa latina

Arxentina, un país polarizado… pola loita de clases

Maio 15th, 2016  |  Published in| the_category américa latina, globalizacion, neoliberalismo

2016 04 21 arxentina bos aires mani bancarios   P1010283O 29 de abril, ao fío do Primeiro de Maio, as centrais sindicais arxentinas chamaron a unha manifestación masiva en Bos Aires, á que asistiron unhas 300 mil persoas. A finalidade foi amosar o apoio a un texto lexislativo que pretende frear a enxurrada de despedimentos (a chamada dobre indemnización), unha iniciativa parlamentar que o presidente Macri anunciou que vetará. Outra das reivindicacións centrais era a esixencia de medidas contra a perda do poder adquisitivo dos salarios. Nos primeiros tres meses a administración pública e as empresas privadas despediron máis de 140.000 persoas, o que sementou nunha boa parte da clase traballadora o temor a perder o emprego, polo rápido deterioro da economía. A mobilización contra unha situación que as centrais caracterizan como de “emerxencia social” contou coa participación de dúas das pólas da CGT, xa que o sector de Barrionuevo descolgouse un día antes, e das dúas CTA, tanto a dirixida por Pablo Micheli como a de Hugo Yasky.

Read the rest of this entry »

Retrocesos, contradicións, e poder popular

Maio 7th, 2016  |  Published in| the_category américa latina, globalizacion, Internacional, neoliberalismo, soberania

Estas800px-Dilma_Lula_Temer_Convenção_PTe a dar unha regresión política en moitos países de América Latina, que ate hai pouco se consideraban abandeirados dunha distribución máis xusta da riqueza e do traballo, de avances democráticos, e da oposición ao imperialismo. Resulta evidente que eses procesos non eran a revolución, mais implicaban un cambio de tendencia con consecuencias globais positivas debido á importancia deses países e da rexión. Polo tanto, o actual retroceso obriga a unha reflexión da esquerda antiimperialista, non só nese continente, tendo en consideración que esta regresión na esquerda dáse en maior ou menor grao en todos os recunchos do mundo. Un recuar que ademais de ser electoral, tamén se reflicte no debate das ideas, na iniciativa, na mobilización, na organización, nos métodos de traballo. Ou sexa, afecta á praxe no seu conxunto. Sen dúbida obedece a concepcións trabucadas e a unha inmensa hexemonía do capitalismo no eido das ideas.

Read the rest of this entry »

Obama e a súa visita imperial á Arxentina

Abril 1st, 2016  |  Published in| the_category américa latina, Internacional, neoliberalismo

Macri-ObamaNon foi unha boa idea por parte de Obama facer coincidir a súa visita á Arxentina co 40º aniversario do golpe militar do 24 de marzo de 1976. Deixouse ver axiña a contestación dunha parte moi grande da sociedade, que non pode perdoar a complicidade de Washington coa ditadura militar e o xenocidio de 30.000 persoas. Así o evidenciaba a CTA-Autónoma nun comunicado: “Hoxe, a 40 anos, os traballadores e traballadoras arxentinos estamos indignados que nesta data tan sensíbel para o noso pobo, Macri reciba a visita do presidente do imperio, absolutamente responsábel de todas as miserias que levou adiante Estados Unidos neste planeta, Barack Obama. Por iso dicimos, non só aos ¡30 mil detidos-desaparecidos, presente! senón tamén: fóra Obama da Arxentina!” (http://ctanacional.org/). Daquela que diante deste rexeitamento, o Presidente norteamericano fixese a última hora unha rectificación, suspendendo os actos públicos do día 24, agás a participación no organizado a posta polo Goberno, a primeira hora da mañá, para repudiar a violencia institucional (non o xenocidio e crime de Estado). Obama aproveitou o resto do tempo para facer unha visita privada a Bariloche, centro turístico nos Andes Patagónicos, na provincia de Río Negro,onde se desprazou tamén Macri, nunha demostración máis de complicidade.

Read the rest of this entry »

Arxentina, os empresarios toman o governo

Febreiro 16th, 2016  |  Published in| the_category américa latina, Internacional, neoliberalismo

explotacionDurante a última campaña electoral na Arxentina, os sectores de esquerda xa afirmaban que Macri, o agora presidente, tiña unha actitude autoritaria e neoliberal, e inclinación a seguir os ditados de Washington. As medidas que está a tomar confirman está valoración, máxime cando se esperaba que procurara o consenso, dado que gañou as eleccións pola mínima. Tampouco ten maioría no Parlamento, o que o levou a governar por decreto, torcendo a interpretación da lei. Evidentemente, faino porque se sente forte, conta co apoio da patronal, dos grandes medios de comunicación e das potencias hexemónicas. Na oposición está unha esquerda débil e fragmentada, e un kirchnerismo sen folla de ruta, acostumado a confundir organización política con clientelismo, e que agora carece dos recursos da xestión do Estado. Esta eiva tamén forma parte do ADN do actual oficialismo.

Read the rest of this entry »

Arxentina, goberno por decreto

Xaneiro 28th, 2016  |  Published in| the_category américa latina, neoliberalismo

milagro sala-620x400O triunfo da dereita na Arxentina non era algo que se puidera dar por feito hai uns meses. Para conseguilo, ademais de Massa fixo falla que se sumase o radicalismo (que está integrado na Internacional Socialista). O candidato kirchnerista, Scioli, carecía de carisma e tiña unha liña social máis morna que Cristina. Asemade, os grandes medios de comunicación opuxéronse sempre ao kirchnerismo. Mesmo así, Macri gañou pola mínima. No Congreso está en minoría, e ten na súa contra, tanto o sindicalismo combativo como a mobilización na rúa.

Read the rest of this entry »

Consecuencias da viraxe á dereita na Arxentina

Xaneiro 26th, 2016  |  Published in| the_category américa latina, neoliberalismo

2013 10 05 arxentina P1091321O triunfo de Macri nas eleccións presidenciais na Arxentina non era algo que se puidera dar por seguro hai uns meses. Para conseguilo, fixo falla que se sumase o radicalismo (que está integrado na Internacional Socialista), e contar en segunda volta co apoio de Massa (unha escisión do kirchnerismo ligada, seica, á embaixada norteamericana). Favoreceulle tamén a abstención do FIT (Fronte de Esquerdas). O candidato kirchnerista, Scioli, realizou unha xestión controvertida na provincia de Bos Aires. Carecía de carisma e se lle adxudicaba unha liña máis morna no social que a Cristina Fernández. Asemade, os grandes medios de comunicación xogaron un papel destacado no proceso electoral. Aínda que non foi unha novidade; estes opuxéronse sempre ao kirchnerismo. Mesmo así, Macri gañou pola mínima. No Congreso está en minoría, e ten na súa contra, tanto o sindicalismo combativo como a mobilización na rúa.

Read the rest of this entry »

As pexas da globalización

Xaneiro 19th, 2016  |  Published in| the_category américa latina, economía, neoliberalismo, traballo

america_latinaDise que os triunfos da dereita en Arxentina e Venezuela anuncian un fin de ciclo na América Latina. E que isto implicaría un retroceso dos governos antiimperialistas, e unha recuperación do papel dos Estados Unidos na rexión, ditando normas e poñendo e quitando presidentes/as. Que esta é a tendencia dominante non se pode discutir, outra cousa é que se consolide. Ante todo, porque a situación internacional é moi volátil, tanto no eido militar como no económico e social. O capitalismo semella non dar saído da crise, desbordado pola especulación financeira, a economía delituosa, e o deterioro cada vez máis evidente dos ecosistemas.

Read the rest of this entry »

Tricontinental: sementar moitos Vietnam

Decembro 31st, 2015  |  Published in| the_category américa latina, Historia, militarismo, política

tricontinentalO 3 de xaneiro de 1966, hai medio século, comezou na Habana a Conferencia da Tricontinental co obxectivo de analizar o contexto internacional e estudar os medios máis axeitados para combater o imperialismo, o colonialismo e o neocolonialismo. A este encontro de solidariedade asistiron 430 delegados/as e 60 observadores/as de máis de cen países de Asia, África e América Latina. Representaban governos, partidos da oposición e mesmo organizacións guerrilleiras. A conferencia foi inaugurada polo Presidente de Cuba, Osvaldo Dorticós. A xuntanza celebrouse poucos anos despois de que os Estados Unidos impuxeran o embargo contra Cuba, en outubro de 1960, como represalia polas expropiacións de corporacións norteamericanas na illa.

Read the rest of this entry »

Disputa de modelo no peronismo, con consecuencias internacionais.

Novembro 7th, 2015  |  Published in| the_category américa latina, Historia, política, soberania

macri-scioliAs tres alternativas electorais que acadaron maior número de votos na primeira volta do proceso electoral para nomear presidente na Arxentina están encabezadas por candidatos que se reivindican dalgún xeito ligados co peronismo. É verdade que non teñen diferenzas de fondo en relación co sistema capitalista. Porén, si en como xestionalo, na sensibilidade cos sectores máis marxinados, e nas relacións co imperialismo hexemónico. Na reivindicación que fan algúns deles, hai moito de oportunismo, de mercadotecnia para recoller o voto peronista menos informado. Fano, porque malia a evolución política regresiva do peronismo (xusticialismo), na conciencia das clases sociais subalternas, é sinónimo de defensa dos intereses nacionais e das maiorías. Non houbo na historia do país un avance tan grande para os de abaixo como o que se deu naquela primeira etapa de governos de Perón con apoio sindical (1946-1955).

Read the rest of this entry »

Arxentina, Scioli ou Macri: unha disputa entre peronistas

Novembro 3rd, 2015  |  Published in| the_category américa latina, Internacional, soberania

arxentina scioli macriA situación política Arxentina non é doada de analizar nen pra aqueles que coñecemos ben o país. Sempre houbo moitos partidos que aparecían e desaparecían, xuntábanse e dividíanse ao pouco tempo. Porén, dende os anos cincuenta o peronismo e os radicais (liberais reformistas en orixe) dominaron o panorama político, nas épocas nas que os militares non impuñan unha ditadura. Socialistas e comunistas eran opcións minoritarias. Despois da crise económica, social e política, de principios deste século, con De la Rúa no governo (un radical) este bipartidismo saltou polo ar, e as distintas versións do peronismo pasaron a ter hexemonía electoral.

Read the rest of this entry »

A guerra do Chaco

Xuño 9th, 2015  |  Published in| the_category américa latina, Historia, Internacional

guerra-del-chaco-CHACORE-fotografia-picada-marcha-23-portalguaraniHai oito décadas, o 12 de xuño de 1935, rematou a guerra entre Bolivia e Paraguai pola disputa territorial do Chaco boreal, co triunfo militar deste último país. A guerra comezou no ano 1932, por iniciativa de Bolivia que pretendía deste xeito recuperar un territorio que consideraba seu, rachar coa falta de aceso directo ao mar, que perdera despois da confrontación con Chile na guerra do Pacifico (1879-1883), explotar as riquezas petroleiras da zona, e recuperar o prestixio nacional. Estes foron os aspectos nos que se centrou o discurso dirixido ao Congreso por Daniel Salamanca, Presidente de Bolivia, o 8 de agosto de 1932.

Read the rest of this entry »

Washington matando arelas de liberdade

Abril 28th, 2015  |  Published in| the_category américa latina, Historia, Internacional

dominicana caamaño deño intervention-18Aínda lembro como se fose hoxe a xenreira coa que viviu a América Latina o desembarco o 28 de abril de 1965, hai medio século, de 30.000 marines norteamericanos na República Dominicana, coa finalidade de esmagar o proceso revolucionario iniciado días antes polo coronel Francisco Caamaño Deñó. Daquela, eu vivía en Bos Aires, onde emigrei cos meus país de cativo, e estaba a facer o último ano dos estudos de técnico electromecánico. A noticia escoiteina no barrio de Floresta, cando agardaba o “colectivo” (o bus), por un comentario despectivo que fixeron varias persoas contra o imperio do norte “que máis unha vez volvía impoñer a súa lei aos máis débiles”.

Read the rest of this entry »

Galeano e Galiza

Abril 19th, 2015  |  Published in| the_category américa latina, cultura/lingua, Internacional

eduardogaleano1Deste xeito titulara un artigo sobre o Terceiro Foro Social Mundial (FSM) en Porto Alegre, Brasil, no ano 2003. Coido que ten interese lembrar aquel momento, porque liga o noso país cun dos escritores xeniais, e ao mesmo tempo máis lúcidos e comprometidos na loita contra a opresión dos povos e a explotación da clase traballadora, o uruguaio Eduardo Galeano. Poeta sensíbel, achegado aos sentimentos da xente, persoa comprometida co cambio, e observador crítico da historia como se reflectiu na súa obra “ As veas abertas de América Latina”.

Read the rest of this entry »

O chavismo na súa hora máis difícil

Marzo 27th, 2015  |  Published in| the_category américa latina, Internacional, soberania

2010 07 22 venezuela caracas murais P1191121Sen dúbida, hai moitos problemas pendentes de solucionar na Venezuela, que nen Chávez, primeiro, nen Maduro despois, foron aínda quen de resolver, como os da corrupción ou da seguridade. Mais non recoñecer os avances que se deron no país en distribución da renda, en mellora do ensino e da saúde, ou na vivenda, é negar a realidade. Segundo datos da CEPAL, entre o ano 2000 e 2013, a indixencia baixou do 18% ao 9,8% e a pobreza do 44% ao 30%. A taxa de matriculación na educación secundaria pasou do 50,7% no ano 2.000 ao 74,3% en 2012. Alén dos datos económicos e sociais positivos cómpre valorar tamén o avance na politización e na organización popular, que implica mudanzas sociolóxicas que non lles será doado de afogar ás clases dominantes.

Read the rest of this entry »

Brasil entre triunfos e fracasos

Marzo 17th, 2015  |  Published in| the_category américa latina, Internacional, neoliberalismo

Dilma_LulaTodo indica que Dilma Rousseff atópase fronte a un horizonte moi complexo, que mesmo pode cuestionar o futuro do Partido do Traballo como forza governante no Brasil. Segundo os medios de comunicación hexemónicos, a razón sería o aumento da contestación social contra a corrupción política, especialmente polo caso Petrobras. Aínda que os motivos de fundo, que dan pulo á protesta, hai que buscalos no reparto desigual da riqueza producida. Esta tendencia non se corrixiu abondo durante os governos do PT, como esperaba unha parte moi grande da sociedade. E mesmo recuou un chisco durante os últimos anos, por mor dun menor medre do PIB, como consecuencia da queda do prezo internacional das materias primas e alimentos.

Read the rest of this entry »